Mostrando entradas con la etiqueta Urbanismo. Mostrar todas las entradas
Mostrando entradas con la etiqueta Urbanismo. Mostrar todas las entradas

3 may 2008


Vista xeral de Ourense, nunha postal de mediados do século XX (?). Estaría tomada dende a actual Avda. de Portugal ou un pouco máis enriba (véxase a torre da Catedral en liña recta). Os que aínda non somos tan vellos lembramos ben os espazos do actual parque do Barbaño cheos de cultivos e vides. Foto achegada por Perfeuto A. Estévez.

1 may 2008


O Parque Miño, á beira do río. Sede dun bo grupo de esculturas de artistas ourensáns. F0to Israel Rodríguez Freire.

A antiga rúa de Alba, hoxe Cardenal Quiroga, no corazón do ensanche moderno de Auria.

A Praza Maior. Foto: Israel Rodríguez Freire.

Nocturnas de Auria. Foto: Israel Rodríguez Freire.

Nocturnas de Auria. A Praza do Ferro garda todo o engado dun longo pasado, cunha fasquía case imperturbable (foto de Israel Rodríguez Freire).

Visión nocturna do casco histórico,
no cruce entre C. Ceano (hoxe Sta. Eufemia) e Rúa das Tendas
(foto Israel Rodríguez Freire)




Unha visión nocturna da histórica Rúa da Paz, antes dos Zapateiros,
corazón da Xeración Nós.

(foto Israel Rodríguez Freire)

Ubícanse hoxe alí, entre outros, o Teatro Principal, Café Latino (facendo esquina), libraría Torga, Fina Rei, e as antigas vivendas de Vicente Risco, Otero Pedrayo e Xoaquín Lorenzo.


Nocturnas
(foto Israel Rodríguez Freire)
Actual rúa Santa Eufemia (ata hai uns meses C.Ceano),
núcleo hoxe de centros de sociabilidade como os Cafés Real, Latino e Miudiño.


Nocturnas.
A rúa do Paseo dende o fauno de Xaime Quessada.
Foto Israel Rodríguez Freire.

17 abr 2008

O Café Victoria
Fermosas imaxes (están tamén nas Uvas, 17-4-08), que nos envía o amigo Trebolle.
É o Café Victoria, na Avda. de Pontevedra. Leva meses pechado, por orde municipal, por un problema urbanístico: ten os servizos intercalados no edificio da súa esquerda e este está ameazado de derruba, creo. Por sorte, os novos propietarios deste café, cando o instalaron (haberá uns 20-25? anos), tiveron o bo gusto de deixar a decoración orixinal do mesmo, dun antigo comercio de "Coloniales Plus Ultra".
Segundo nos informou Xabier Álvarez nas Uvas, na galería da primeira planta estivo o Colexio Marista e el mesmo estudou alí.

Téñenme contado que foi a xornalista Maribel Outeiriño quen impediu que tirasen abaixo ese mural con azulexos cando o ían estragar os obreiros da reforma e convenceu ós propietarios de que se salvasen. En Ourense sempre estamos a laiarnos do que se perdeu (o Volter, tantos murais en comercios e edificios privados, etc.): ben, aquí temos, por sorte, unha mostra do contrario.

12 abr 2008

Casas da Praza do Campo
segundo un debuxo conservado no AHPOR
(foto Fernando del Río)

Praza Maior de Ourense (vista actual).

Igrexa da Trinidade

A porta do antigo Hospital de San Roque, hoxe na Trinidade
(foto Fernando del Río)
Na actual Avenida de Pontevedra, comezos do século XX

"Nesta beirarrúa estaban varios dos vellos cafés-cantantes ourensáns: o Victoria, o Unión, o Iberia e o Regio (nome que tivo que cambiar polo de Riego cando chegou a República): E moi perto, fronte ó antigo Seminario, o Moderno" (Anselmo López Morais, El Orense perdurable, La Región, 2000).

Vista xeral de Ourense dende Os Remedios, onde estaba La Eléctrica de Conde Valvís.
Comezos do século XX. Foto Pacheco.

O Hotel Miño,
proxectado por Vázquez-Gulías,
na rúa do Paseo, un dos centros de sociabilidade da cidade dende o século XX

Unha das imaxes da construcción da Ponte Nova, 1917

Antiga Rúa de Alba, hoxe Cardenal Quiroga (supoño que arredor dos anos 30)
Na beira da dereita, a Farmacia de Luís Fábrega Coello, que foi líder republicano do Partido Radical e presidente da Deputación nese período.

Ourense dende os balcóns.
Foto achegada por David Simón.
Anos 60 ou quizais antes aínda?